တရားအားထုတ်တယ်ဆိုတာ အလုပ်တွေ အကုန်ချပြီး မျက်စိမှိတ်ထိုင်နေမှ ရတာ မဟုတ်ပါဘူး။ နေ့စဉ်ဘဝ သွားလာလှုပ်ရှားနေရင်းနဲ့လည်း ဖြစ်ပျက်ကို လေ့လာလို့ ရပါတယ်။

ကားမောင်းနေရင်း ဒေါသထွက်လာရင်၊ အဲဒီ ဒေါသထွက်တဲ့ သဘောလေးဟာ အကြောင်းတိုက်ဆိုင်လို့ ပေါ်လာတာပါပဲ။ ပြီးရင် သူဟာသူ ပြန်ပျက်သွားပါတယ်။ “ငါ ဒေါသထွက်တယ်” လို့ ထင်နေမယ့်အစား၊ ဒေါသစိတ်ကလေး ဖြစ်လာပြီး ပြန်ပျက်သွားတာကို အသာလေး လေ့လာကြည့်ပါ။

ဘာကိုမှ အတင်း ဖယ်ရှားပစ်စရာ မလိုပါဘူး။ ခန္ဓာမှာ ပေါ်လာသမျှကို သူ့သဘောသူ ဆောင်နေတယ်လို့ သိပေးရုံပါပဲ။ အဲဒီလို လေ့လာတာဟာ နေ့စဉ်ဘဝမှာ အနတ္တကို လက်တွေ့ ဆင်ခြင်တာပါပဲ။

အခု စာဖတ်နေရင်းနဲ့ ပြောင်းလဲသွားတဲ့ ကိုယ့်ရဲ့ သိမှုလေးကို ခဏလောက် အကဲခတ်ကြည့်ပါဦး။